Leik og moro på KRIK Fitjar!

Underteikna, Jonas Hauge og Magne Fjelldalen tok fredag kveld turen til KRIK Fitjar. Og for ein kveld det skulle bli. Fitjar er ein relativt liten stad med sine +- 2919 innbyggjarar, og lite visste vi om kor mange som skulle komme. Etter ein varm velkomst, åpna vi døra inn til hallen og det viste seg at rundt 40 ivrige ungdommar hadde møtt opp til KRIK trening!

Vi leika, mora oss med mange forskjellige leikar. I pausen hadde eg andakt der eg fortalde om å ha fokus på Gud og korleis vi blir påvirka og forvandla av Gud. Etterpå pausen fortsette vi med aktivitetane, og vi i resursteamet vart veldig imponert over intensiviteten og innsatsen til KRIK-gjengen på Fitjar!

Tusen takk for ein fantastisk fin kveld! Kan sterkt anbefale frå 8.-klasse og oppover på Fitjar til å ta turen innom KRIK.

For dei spesielt interesserte, her kjem ei liste over leikane vi hadde:

• Tomanns hale-napping
• Trollmann-kjempe-dverg
• Same-rally
• Tømmerstokkleiken
• Kortstokkstafett
• Basketball med innebandyball og kjegle
• Frisbee ultimate

Dette var alt me fekk tid til hjå KRIK Fitjar, men dersom ditt lokallag har lyst på besøk er det berre å ta kontakt på hordaland krik.no !

Guds signing over lokallagsarbeidet

Per-Eirik Moltu

Distriktsmedarbeidar KRIK Hordaland